Hasiera > Udaletxea

Udaletxea

Ordenantza, Lekunberriko udal esparruan euskararen erabilera eta sustapena arautzen dituena

Euskara, Lekunberriko hizkuntza, gaztelania bezala, Lekunberriko Udalaren eta udalerriko hizkuntza ofiziala da. Dena dela, euskara eta gaztelania, biak hizkuntza ofizialak izanik ere, oso urrun daude berdintasun sozialean egoteko, euskarak urtetan jasan duen bazterketaren ondorioz. Hortaz, Lekunberriko Udalak tratamendu bereizia eta lehentasuna emanen dio euskarari.

Euskarari buruzko 18/1986 Foru Legeak dioenez, euskara eta gaztelania Nafarroako hizkuntzak dira eta, hortaz, herritarrek eskubidea dute haiek ezagutu eta erabiltzeko. Gainera, euskara zein gaztelania erabiltzeko eskubidea aitortzen zaie herritar guztiei administrazio publikoekin dituzten harremanetan.

Foru Lege hori kontuan hartuta eta, Nafarroako Toki Administrazioari buruzko uztailaren 2ko 6/1990 Foru Legean ezarritakoari jarraituz, hurrengo ordenantza onestea erabaki da.

deskargatu

LEKUNBERRIKO UDALA. 2012ko LURRAREN KONTRIBUZIOA

 

2012ko kontribuzioaren borondatezko ordainketaren epeak ondoko hauek dira:
- 2012ko Maiatzaren 20an(lehendabizio seihilabetekoa)%50

- 2012ko Azaroaren 20an ( bigarren seihilabetekoa)%50
- Helbideratuta dauden ordainagiriak zordunduak izanen dira zergadunek emandako kontuetan, borondatezko epealdiaren azken egunean.
Epe hori igarotzen delarik, ordaindu gabeko ordainagiriek, Legean ezarritako interesak eta gainkarguak sortuko dituzte, eta horiek kobratzeko betearazte bidea erabiliko da.
.
Jose Mari Aierdi, Alkateak.
Lekunberrin, 2012ko Apirlaren 10an

 

Udaletxearekiko tramite elektronikoak

UDALETXEAREKIKO TRAMITE ELEKTRONIKOAK

Teletramitazio-zerbitzariaren bidez Udalarekin izapideak online egiteko aukera izanen duzu. Horretarako Internetarako sarbidea izanen duen ordenagailua eta behar bezala konfiguraturiko NAN elektronikoa irakurtzeko gailua beharko dituzu.

Zerbitzura sartzeko, sar ezazu NAN elektronikoa irakurgailuan eta egin klik honako lotura honetan:

Teletramitazio zerbitzua